Entrega di buki titulá ‘Trilingual Terminology in Criminal Proceedings’ di drs. Linda Richardson

Dia 25 di yanüari 2024, nos tabatin e plaser pa risibí drs. Linda Richardson, ku a hasi entrega na nos di su buki mas resien titulá ‘Trilingual Terminology in Criminal Proceedings’.

E buki ta enfoká riba importansia krusial di terminologia detayá i koherente den prosesonan penal, ku atenshon spesial pa ambiente multilingual. Komo eksperto riba e tereno di idioma i tradukshon na korte, drs. Richardson a desplegá su ekspertisio pa ofresé un análisis profundo di término i konseptonan ku ta paresé ku frekuensia den proseduranan di proseso penal, ku enfoke riba 3 idioma: hulandes, papiamentu i ingles.

E publikashon di drs. Richardson lo fungi komo un fuente balioso pa profeshonalnan den e sistema penal den e region hulandes di Karibe. Ta un paso dilanti den e aspirashon pa yega na un komunikashon transparente i komprendibel, independientemente di e idioma ku ta usa den proseduranan hurídiko. Su kontribushon indudablemente lo tin un impakto positivo riba desaroyo di terminologia multilingual denter di e sistema hudisial lokal.

INIC ta sostené sra. Richardson pa e parti di Papiamentu.

 
 
 
 
 
 
pap_CURPAP