Instituto Nashonal di Idioma Curaçao

Bon biní na Instituto Nashonal di Idioma Curaçao. Ku lantamentu di Instituto Nashonal di Idioma Curaçao ta inisiá un kapítulo nobo pa un maneho di idioma na Kòrsou komo isla multilingual. Instituto Nashonal di Idioma Curaçao ta promové ko-eksistensia multilingual den e komunidat úniko akí kaminda papiamentu, ingles, hulandes i spañó ta floresé den enseñansa, lugá di trabou i den bida diario.
NTIC personnel2

Nos Vishon

Instituto Nashonal di Idioma Curaçao ta aspirá pa yega na un komunidat harmonioso i inklusivo kaminda papiamentu no solamente ta idioma materno di mayoria, sino tambe un di dos idioma di komunikashon pa restu di poblashon. Nos ta boga ademas pa suidadanonan dominá idiomanan stranhero ulandes, ingles i spañó na un nivel aseptabel, di manera ku nos ta krea huntu un komunidat ku ta selebrá diversidat lingwístiko.

 

Nos Mishon

Nos mishon ta pa desempeñá un ròl krusial den implementashon i promoshon di e maneho di idioma stipulá pa gobièrnu. Nos ophetivo ta pa promové konsientisashon, planifikashon i desaroyo di idioma via di dos departamento.

Nos Departamentonan

  1. Akademia di Papiamentu
    • Promové konsiensia lingwístiko atraves di un maneho i planifikashon di idioma uniforme.
    Desaroyo di papiamentu riba tereno di ortografia, standarisashon, gramátika, dikshonario, kòrpus di idioma i material nan di edukashon.

  2. Departamento di Idiomanan Stranhero
    • Guia i sosten pa ehekushon di liñanan di maneho fihá pa gobièrnu di Kòrsou.
    • Enfoke riba hulandes, ingles i spañó komo idioma di instrukshon i idioma stranhero.
 
 

Inisiativanan Importante

Kontinuashon di trabounan di FMS/FPI
Instituto Nashonal di Idioma Curaçao ta kontinuá ku e trabounan balioso inisiá pa Fundashon Material pa Skol (FMS) i Fundashon pa Planifikashon di Idioma (FPI) integrando e personal dediká i e produkshon di material di e dos institutonan, ku atenshon renová i ku enfoke riba ekselensia i kresementu. Komo un unidat lo traha ku direktivanan di skol i ku ETE, Expertisecentrum voor Toetsen en Examens.


Kolaborashon pa futuro
Instituto Nashonal di Idioma Curaçao tin planiá kolaborashon estrecho ku:
- Aruba i Boneiru den Union di Papiamentu, un plataforma di islanan ABC;
- Instansianan relevante manera Instituut voor de Nederlandse Taal (INT) i Nederlandse taalunie; 
- Instansianan den Karibe manera Caribbean Examinations Council (CXC)/International Baccalaureate (IB) i Instituto Cervantes.

Uni bo mes ku Fundashon Instituto Nashonal di Idioma Curaçao miéntras nos ta kana kaminda pa un Kòrsou konektá i riku na idioma.

 
 

Selebra beyesa di idioma huntu ku nos!

pap_CURPAP